"КАТКО" қазақстандық-француздық бірлескен кәсіпорны 1996 жылы «Орано» француздық мемлекеттік компаниясы мен "Қазатомөнеркәсіп" қазақстандық ұлттық атом компаниясының ынтымақтастығы нәтижесінде құрылды. Акционерлердің үлесіне тиісінше акциялардың 51% және 49% тиесілі.
КАТКО Түркістан облысы Созақ ауданындағы Мойынқұм кен орнының Төрткұдық және Мойынқұм учаскелерінде уран игеруді, өндіруді және өңдеуді жүргізеді.
Компания кен орындарын игерудің ең экологиялық қауіпсіз және арзан әдісі болып табылатын жерасты ұңғымаларын шаймалау (ЖҰШ) технологиясын қолданады. Әлемдегі уранның 50%-дан астамы ЖҰШ әдісі қолданылып өндіріледі. Бүгінгі таңда КАТКО әлемдегі ең ірі уран кен орындарының бірінің ЖҰШ-операторы болып табылады.
2022 жылдың тамызында КАТКО жаңа учаске – Оңтүстік Төрткұдықта өндіруге арналған лицензия алды. Учаскенің жұмыс істеп тұрған учаскелердің аралығында орналасуы компанияның келесі онжылдықта тұрақты өндірісін қамтамасыз етеді.
KATKO-ның миссиясы - біздің қызметкерлер бен тәжірибенің арқасында қауіпсіз және тұрақты жұмыс істейтін, дүние жүзі бойынша тапсырыс берушілер үшін үлгілі уран өндіруші компания болу.
