ӘЛЕМ ҮШІН ЭНЕРГИЯ

КАТКО - жерасты ұңғымалық шаймалау (ЖҰШ) әдісімен уран өндіру бойынша ең ірі және техникалық жағынан озық кәсіпорындардың бірі, 1996 жылы "Орано" француздық мемлекеттік компаниясы мен "Қазатомөнеркәсіп" ұлттық атом компаниясының ынтымақтастығы арқасында құрылды.

КАТКО уран кен орындарын игереді, U3O8 уран шала тотығын-тотығын өндіреді және сатады. Компания Төрткұдық және Мойынқұм учаскелеріндегі екі өңдеу зауытын пайдаланады.

Мойынқұм учаскесіндегі өңдеу зауытында құрамында уран мөлшері жоғары ерітінді – десорбат өндіріледі, ол Торткұдық учаскесіндегі өңдеу зауытына тасымалданады, онда дайын өнім – U3O8 уран шала тотығы-тотығы алынады.

Төрткұдық учаскесіндегі өңдеу зауыты әлемдегі ең ірі және заманауи техникалық жабдықталған зауыттардың бірі болып саналады. Зауытта атом электр станцияларында электр энергиясын өндіру үшін қолданылатын U3O8 уран шала тотығын-тотығын шығаратын елдегі ең ірі пештердің бірі (кальцинатор) орналасқан.

Орано, ядролық материалдар саласындағы танымал халықаралық оператор, қазіргі және болашақтағы жаһандық ауқымдағы міндеттер үшін энергетика және денсаулық сақтау саласында шешімдер ұсынады. Озық технологиялардағы тәжірибесі және оны қолдану Орано үшін тұтынушыларға отын циклінің кең қолданысына сәйкес келетін тиімділігі жоғары өнімдер мен қызметтерді ұсынуға мүмкіндік береді.

Қазатомөнеркәсіп – әлемдегі ең ірі уран өндіруші компания болып табылады. Еншілес, тәуелді және бірлескен ұйымдармен бірге Қазатомөнеркәсіп 14 уран өндіруші кәсіпорынға біріктірілген 26 кен орнын игеруде. Олардың барлығы Қазақстан Республикасының аумағында орналасқан. Өндіру үдерісі денсаулық сақтау, өнеркәсіптік қауіпсіздік және қоршаған ортаны қорғау саласының озық тәжірибелері мен бақылау құралдарына ерекше назар аудара отырып, ЖҰШ әдісімен жүргізіледі.

Орано туралы толығырақ

Қазатомөнеркәсіп туралы толығырақ

ҚАЗАҚСТАНДАҒЫ УРАН КЕН ОРЫНДАРЫ

Қазақстан аумағындағы уран қорлары мен ресурстары 700 мың тоннадан астам, жалпы әлемдік көлемнің шамамен 14%-ын құрайды. Қазақстан уранның барланған қорларының көлемі бойынша әлемдегі екінші ел болып табылады.

2009 жылы Қазақстан уранның ірі өндірушісі болды және әлемдік өндірістің 40%-ын құрайтын жаһандық нарықта көшбасшылық позициясын сақтауды жалғастыруда.

Қазақстанда уран өндіру тек қана жерасты ұңғымалық шаймалау (ЖҰШ) әдісімен жүзеге асырылады. Елде өндірілген барлық уран әлемдік нарыққа экспортталады: Франция, Қытай, Ресей, Канада және басқа елдер.

1996 - КАТКО құрылуы
2000 - Мойынқұм учаскесінде жобалық зауыттың салынуы
2004 – Өнеркәсіптік кезеңге көшу және инфрақұрылым құрылысының салынуы
2006 - Мойынқұм учаскесінде өңдеу зауытының іске қосылуы
2007 - Төрткұдық учаскесінде өңдеу зауытының іске қосылуы
2008 - Акционерлердің өндірістік қуатты арттыру туралы келісімге қол қоюы
2009 - КАТКО уранды ЖҰШ әдісімен әлемдегі ең ірі өндірушісі болды
2010 – Өндірістік қуаттарды кеңейту бойынша "Fast Track" жобасының іске қосылуы
2013 - КАТКО жылына 4000 тонна уран өндіру деңгейіне қол жеткізді
2016 - КАТКО уранның жиынтық көлемінің 30 000 тоннасын өндіре бастады
2019 - КАТКО уранның жиынтық көлемінің 40 000 тоннасын өндіруде
2022 - КАТКО Оңтүстік Төрткұдық жаңа учаскесін игеруге лицензия алды